on nationalism by former chief justice maria lourdes sereno

 Re: On Philippine Nationalism

Fr: Former Chief Justice of the Supreme Court Maria Lourdes Sereno* (2022 Aug 29 National Heroes Day)

https://tugmalahat.org/pahayag-sa-araw-ng-mga-pambansang-bayani-maria-lourdes-sereno/

 

Alam nating lahat na kailangang kailangan ngayon ng bayani sa Pilipinas. Naririto na tayo sa punto na ang ilan nating mga kabataan ay nagsisimula nang hindi mahiya na sabihing ayaw na nilang maging Pinoy; at kung meron lang oportunidad, tatakas na daw sila sa bayang ito at tatalikuran ang kanilang identity. Kay tagal nating pinaghirapan na ipagmalaki ang sarili natin sa mundo bilang mga Pilipino. First class brains and talent, at world class creativity and personality. Ngunit, totoo nga bang dumating na tayo sa pagkakalugmok sa kawalan ng pag-asa? Maibabalik pa ba natin ang ating tiwala sa sarili? Sukdulan na nga ba nating binigo ang ating mga kabataan?

 Mga kabataan, ang mga nakikita ninyo ngayon na sinasapublikong masasamang pag-uugali ng mga pulitiko at ng ibang nasa-pwesto ay hindi representante ng kabuuan ng lahing Pilipino. Kung ang nakikita ninyo ngayon sa marami sa pamunuan ay animo’y mga asong nakatiklop ang buntot, na hindi mawari kung kakahol at makikipaglaban sa kaaway o kakaripas na lamang sa takot, hindi iyan ang tikas ng lahing pinagmulan ninyo.

 Ang lahing Pilipino ay lahi ng magigiting. Noong nagplaplano ang mga Katipunero na mag-alsa sa mga Kastila, ang mga batang-batang pinuno nila, gaya nina Andres Bonifacio, Emilio Jacinto, Heneral Luna, ay hindi nagpadaig sa takot. Alam nilang kulang ang armas nila at wala silang tunay na hukbong sandatahan, ngunit malinaw sa kanila ang mga sangkap upang magtagumpay: pagmamahal sa Diyos, sa bayan at sa kapwa; talino at pagpupursigi; at tapang na kayang hamakin ang kamatayan. Pagkat ang Pilipinong bayani ay naniniwala sa katotohanang binahagi ni Kristo: na matatagpuan ang kahulugan ng buhay sa pag-aalay ng sarili sa kapwa.

 Kung hindi ‘nyo nakikita ang ganitong pagsasakripisyo sa mga namumuno ngayon, huwag kayong panghinaan ng loob. Sa halip, tingnan ang panahong ito bilang oportunidad na sariwain kung paano nga ba hinuhubog ang mga bayaning Pilipino. Ang iyong ideyalismo sa murang edad ay magandang simula upang mangarap ng magandang bukas para sa bayan. Kung handa kang ibigay ang dunong at lakas mo upang ibangon ang bayan at kapwa, halina–huwag mag-atubili at pag-aralan kung paano maitataguyod muli ang ating mga demokratikong institusyon. Kung handa kang ipatupad ang mga minimithi mong pagbabago sa lipunan, lalo na sa pamamahala sa gobyerno, tibayan mo ang iyong dibdib, makisalamuha sa usaping panlipunan, hanapin ang mga pusong kapwa makabayan, magpunla ng mabubuting gawain sa lipunan, at huwag kang bibitiw sa iyong mga pangarap.

Ang kasakiman, pagsisinungaling at pang-aapi ay hindi itinuro sa atin ng ating mga ninuno. Tandaan kung sino ang mga taksil sa ating lahi. Huwag tumulad at sumama sa mga makasarili. Sa halip, pigilan ang paglaganap ng kanilang kapangyarihan sa lipunan. Kung linoko na tayo minsan, huwag nang muli pang magpaloko. At higit sa lahat, gaya ng ating mga ninuno, ialay ang puso at buhay sa pagmamahal sa Diyos at Bayan.

 Huwag kalimutan kung sino ka. Kabataang Pilipino. Magiting, matuwid, makabayan, maka-Diyos. Nananalantay sa dugo mo ang lahi ng mga bayani.

=====================================================

*Chief Justice Maria Lourdes Sereno is living proof that true courage is forged through adversity.

Sereno rose from humble beginnings to become the country’s first female Chief Justice in 2012. She attended public elementary (Kamuning Elementary School - Salutatorian) and secondary (Quezon City High School - with honors) school, then pursued higher education through scholarships. She graduated valedictorian from the UP College of Law in 1984, and holds a Masters of Law degree, specializing in law and economics and international trade law, from the University of Michigan.

 She was a law professor at the UP for nearly 20 years. The World Trade Organization recognized her stellar credentials with her 1998 appointment as Counsellor of their Appellate Body in Geneva, Switzerland. She was also involved in successful international litigation as co-counsel for the Republic and was AIM’s Executive Director for their Policy Center.

 With her modernizing outlook and firm belief in the power of technology, she co-founded a corporation that developed the first annotated electronic research system in Philippine Law. Her tenure as Chief Justice is marked by far-reaching reforms, including eCourts, automated hearings, case decongestion, continuous trials, and expanded small claims courts. At the heart of her reform program is the strong conviction that justice and the law’s protection should be accessible and responsive to the most vulnerable Filipinos. Because she was a staunch defender of judicial independence, Sereno was subjected to intense persecution.

 Chief Justice Maria Lourdes Sereno is now a major voice for people-centered change in Philippine society. She believes this change is part of God’s desire for this country, that every Filipino is precious in God’s sight, bawat isa mahalaga, and that every citizen and community has a role in building up this nation. She is an advocate for faithfulness to the vision of a “just and humane society” in the Philippine Constitution, and integrity and accountability in governance.